شحال تغيضي..يا بلادي يا l'algérie

مانطولش عليكم
ولاّ رُوتين.. الغاشي في لاري
شحال من بطّال..تقول واحد ماقاري!!
واحد خدّام..عندو قفّة دراري
لاخر وحداني..مخُّو يبيع أو يشري
** **
تخرج فرحان..لعشية ترجع حزين
سبابك لصحاب..ما بقى فيهم حنين
غير اللّي يصاحبك.. علاجال جيبك
وإذا فرغ الجيب..انسى يولّي حبيبك
** **
تدخل للدّار.. تلقى المدام تشكي
تنشعل النّار..تضحك ولا تبكي!!
تحب القفة فيها اللّحم والبنان
تعاند الجارة لي راجلها سلطان
** **
واش راني نشوف..غير لي يتبعك بالعين
كلّ شي مكشوف..قلي تهرب الوين؟؟
مظلوم ماظلم..يقتلوه بالخوف
ولي ظلم وحكم..يرّفدوه عالّكفوف
** **
تدخل للقاهوة.. كي ليامات زمان
تسمع الرّاي..تهرب ماتزيد تبان
وينهم لشياخ..عليهم تدمع لعيان
وين راح الحاج..فنو ينسّي لحزان
** **
كيفاش إيجيك في اللّيل النّوم
القلب حزين..والخاطر مهموم
تحوس تخدم..لازملك ديبلوم
ولي جابو..يخدموه عساس النجوم
** **
يا لطيف..كيفاش تبدلت لحوال
تبدل الزمان ..ولات لحياة هبال
اللي كان jeune ..شعرو شاب وذبال
ملي يصبح..يشكي يخاف ويسال
** **
شحال تغيضي..يابلادي l'algerie
جاك الطوفان..مالقيتي ما ديري
دار بيك الزمان..ماعليك غير تصبري
ربي يحميك..وترجعي كي بكري
** **
هذا قولي ليكم..ياناس لحياة مادوم
غدوة تموتو كلكم..الباقي غير القيوم
ابنوا ما ريبت يديكم..راهو غالي في السوم
لوطن اينادي عليكم..حقو ثابت معلوم

مشكوووووووووووووووووووووووووووووووووور رضوان على القصيدة الرائعة
هاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااايلة
vive algerie

تحيا الجزائر حتى...................................................